ភ្នំពេញ៖ ឯកអគ្គរាជទូតកម្ពុជាប្រចាំសាធារណរដ្ឋកូរ៉េលោកស្រី ជ្រឹង បទុមរង្សី បានថ្វាយសាតាំងជូនប្រធានាធិបតីកូរ៉េខាងត្បូងលោក Moon Jae-In ហើយនៅថ្ងៃនេះ ដែលជាការទទួលស្គាល់ពីប្រទេសកូរ៉េលើការចូលកាន់តំណែងរបស់លោកស្រីលើទឹកដីប្រទេសនេះ។
លោកស្រី ជ្រឹង បុទុមរង្សី ត្រូវបានព្រះមហាក្សត្រតែងតាំងជាឯកអគ្គរដ្ឋទូតកម្ពុជាប្រចាំសាធារណរដ្ឋកូរ៉េកាលពីថ្ងៃទី១ ខែមិថុនា ឆ្នាំ២០២១ ជំនួសអតីតឯកអគ្គរាជទូតលោក ឡុង ឌីម៉ង់ ដែលចប់អាណត្តិ។
មុនទៅបំពេញតួនាទីជាឯកអគ្គរាជទូតកម្ពុជានៅប្រទេសកូរ៉េខាងត្បូង លោកស្រី ជ្រឹង បុទុមរង្សី គឺជារដ្ឋលេខាធិការនៃក្រសួងការបរទេស និងសហប្រតិបត្តិការអន្តរជាតិ៕